Доруобуйа Маны аах

Искэн ыарыыта бигэргэтилиннэҕинэ — эбии төлөбүр

РФ-га быраастар уонна мэдиссиинискэй үлэһиттэр искэн ыарыытын эрдэ буларга көмөлөһөллөрүн иһин эбии төлөбүрү 2020 сылтан ылаллар.

2022 сылга Арассыыйаҕа   155,4 мөлүйүөнэн тахса солкуобай  итинник анал төлөбүргэ ыытыллыаҕа.
Диспансеризация эбэтэр ыарыыны сэрэтэр мэдиссиинискэй көрүүлэр кэмнэригэр ыарыы баара бигэргэниллэр хас биирдии түбэлтэтигэр бу мэдиссиинискэй тэрилтэҕэ Булгуччулаах мэдиссиинискэй страховка пуондатыттан эбии төлөбүр ыытыллар. Онтон поликлина бэйэтин үлэһиттэригэр төлүүр.

Маннык көҕүлүүр төлөбүрү оҥоруу сыалынан-соругунан  ыарыһаҕы өссө да  үтүөрдэр кыах баарына искэни эрдэ булуу уонна чопчу быһаарыы   буолар. Онуоха онколог-быраастар эрэ буолбакка,  атын идэлээх быраастар эмиэ болҕомтолоро сыппаабата  сэрэйиллэр.

ЫСПЫРААПКА:

Саха сирин киин куоратыгар уонна улуустарга онкология көмөтүн 15 киинэ үлэлиир. Эмтэнээччилэр манна анал эмтэниини ааһыахтарын уонна атын сиргэ барбакка, ыарыыны кылгас кэм иһигэр быһаартарыахтарын сөп. 2023 сылга  диэри онкологическай көмө өссө 3 киинэ аһыллара былааннанар.

Надежда ЕГОРОВА, edersaas.ru

 

0
0
Telegram @edersaas20