Михаил Мишустин бу сырыыга кимнээххэ төлөбүргэ үп көрөр туһунан дьаһалга илии баттаата? Манна ааҕыҥ.
Бырабыыталыстыба искэн ыарыыны булуу иһин мэдиссиинэ үлэһиттэригэр төлөбүргэ 1,1 млрд солкуобайтан тахса үбү ыытыаҕа. Бачча үбү Булгуччулаах мэдиссиинискэй страховкалааһын пуондатын сирдээҕи-уоттааҕы уорганнара ылыахтара. Харчыны ыарыһахтарга онкология ыарыытын кэмигэр булбут эмчиттэргэ анал төлөбүргэ ыытыахтара. Бу үбү үллэрии туһунан дьаһалга Бырабыыталыстыба Бэрэссэдээтэлэ Михаил Мишустин илии баттаата.
Маннык эбии төлөбүрдэри быраастар уонна мэдиссиинэ персонала 2020 сылтан ылаллар. Диспансеризация эбэтэр профкөрүү кэмигэр ыарыы диагноһын бигэргэттэхтэринэ, хас биирдии түгэн иһин мэдиссиинэ тэрилтэтигэр эбии үбүлээһин ыытыллар, ону кинилэр үлэһиттэригэр төлүүллэр.
Михаил Мишустин Булгуччулаах мэдиссиинискэй страховкалааһын сирдээҕи-уоттааҕы пуондаларыгар 18,3 млрд тахса солкуобайы үллэрэр туһунан дьаһалга илии баттаата. Үбү доруобуйа харыстабылын саҥа исписэлиистэрин – быраастарга уонна орто мэдиссиинискэй персоналга үлэлэрин төлөбүрүгэр ыытыллыаҕа.
РФ Бырабыыталыстыбатын саайтыттан
Бэлэмнээтэ: Женни Стрюкова
Хаартыска: тустаах саайтан