Ис дьыала министиэристибэтин үлэһиттэрэ оҕолорго лиэксийэ аахтылар
30.10.2019
Кэлиҥҥи кэмҥэ интэриниэт-түөкүттэр угаайыларыгар киирэн биэрии элбээтэ. Түөкүттэр ордук кырдьаҕас дьону, оскуола оҕолорун буулууллар.
edersaas.ru
Онон, эрдэттэн сэрэтэр, үөрэтэр сыалтан, Ис Дьыала министиэристибэтин иһинэн үлэлиир Уопсастыбаннай сэбиэт чилиэннэрэ Дьокуускай куорат 9-с нүөмэрдээх орто оскуолатын үөрэнээччилэригэр уонна кинилэр төрөппүттэригэр, учууталларга анаан социальнай ситимнэргэ, интэриниэккэ цифровой куттал суох буолуутун туһунан кэпсэтии ыыттылар. Сүрдээх интэриэһинэй кэпсэтии таҕыста. Оҕолор сэргээн иһиттилэр.
Үгүс киһи төлөпүөнүгэр: «Ваш сын в милиции за драку/наезд на человека/убийство. Что будем делать? Открываем дело или…? Никому не звоните. Сейчас дадим трубочку одному человеку…», «Ваши фотографии здесь…», — диэн хабааннаах СМС иһитиннэриини үгүс киһи туппут буолуохтаах. Бу маннык иһитиннэриини тутаат, үгүс киһи соһуйар да, итэҕэйэр да. Аны социальнай ситимнэринэн оҕолору араас бөрүкүтэ суох бөлөхтөргө киллэрэр түгэннэрэ эмиэ баар.
Уопсастыбаннай сэбиэт бэрэссэдээтэлэ Евгений Попов интэриниэт-куттал, социальнай ситимнэр нөҥүө кэпсэтии, Ис Дьыала министиэристибэтин пресс-сулууспатын үлэһитэ Филипп Тырылгин кэлиҥҥи кэмҥэ күүскэ тарҕаммыт виртуальнай албыннааһын туһунан сырдатта.
edersaas.ru
+1
+1
+1
+1
+1
+1
+1