Гидромет билгэлээһининэн, Өлүөнэ өрүс мууһа Ленскэйгэ, Өлүөхүмэҕэ ыам ыйын 4-12 күннэригэр, Дьокуускай аннынан ыам ыйын 14-16 күннэригэр устара күүтүллэр.
Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрбитинэн, муус харыыта үөскүөн сөптөөх 68 учаастагар мууһу кэбирэтии үлэлэрэ ыытыллыахтаахтар. Туһааннаах управление отделын начаалынньыга Николай Портнягин:
—Мууһу кэбирэтии үлэлэрэ ыытылла тураллар. Ленскэйгэ, Өлүөхүмэҕэ, Хаҥаласка уонна Дьокуускайга бүтэрдибит. Мантан атын улуустарга болдьоҕор бүтэриэхпит», — диэн кэпсээтэ.
Анивера АКИМОВА, «Саха сирэ» хаһыат, edersaas.ru
+1
+1
+1
+1
+1
+1
+1