Сүрүн Уопсастыба

Ирина Высоких:”Мин биисинэһим” кииннэри быйыл биэс оройуоҥҥа аһыахпыт”

Оройуоннарга «Мин биисинэһим» кииннэрин арыйыы туохха туһалааҕый?

Саха сирин сэлиэнньэлэригэр биисинэһи өрөспүүбүлүкэ үгүс миэрэлэринэн өйүүр. Ону сэргэ судаарыстыба көмөтүн туһунан иһитиннэрэр туһуттан “Мин биисинэһим” кииннэр тэриллиэхтэрэ, манна биир түннүк нөҥүө олохтоох урбаанньыттарга көмө оҥоһуллуоҕа. Бу туһунан Саха сирин урбаанын уонна туризмын миниистирэ Ирина Высоких пресс-кэмпириэнсийэҕэ эттэ диэн СИА иһитиннэрэр.

“Тыа сирин биисинэһэ биһиги өйөбүлбүтүнэн көхтөөхтүк туһанар, холобур, оҥорон таһаарыыны тупсарыыга, ити сыахтары оҥорууга туһалаах. Бу тыа сиригэр олус наадалаах, Дьааҥы оройуона манна көхтөөхтүк кыттар. Дьоҕус уонна орто урбаанынан дьарыктанааччылар көрсүбүт ороскуоттарын иһин 500 тыһыынча солкуобайга диэри үбү ылыахтарын сөп.

Маны сэргэ тыа сирин урбаана нацбырайыак чэрчитинэн идэтийбит агробиисинэскэ киирсэн, тыа хаһаайыстыбатын нөҥүө граннарга уонна субсидияларга тиксэр кыахтаах. Куонкурус тыа сиригэр сайдарын таһынан үлэ миэстэтин тэрийэр биисинэһи өйүүр.  Тыа сирин урбаана оҥорон таһаарыы өттүгэр биһигиттэн лизинг өйөбүлүн интэриэһиргиир, былырыын биһиги анал бородууктаны тэрийбиппит, лизиҥҥэ киириигэ сыана үрдүгүн намтаппыппытыгар тыа сирин урбаанньыттара көхтөөхтүк туһанан барбытара. Тыа сиригэр туризм көрүҥүнэн саҥа хайысха арыллар,—  диэн бэлиэтээтэ Ирина Высоких.

Кини этэринэн, оройуоннарга “Мин биисинэһим” кииннэр арыллан, биир түннүк көрүҥүнэн өрөспүүбүлүкэ урбаанньыттара Дьокуускайга курдук, бары өйөбүлү ылыахтара. Быйыл биэс оройуоҥҥа аһарга былаанныыбыт.

Тыа сирин урбаанньыттарыгар дохуокка түһэриллэр нолуокка судургутутуллубут тиһик үлэлиир, уопсай ставката 6 бырыһыан, оттон Арктика улуустарыгар — 2 %, атыттарга, Арктикаттан, Мииринэй, Алдан, Дьокуускай куораттартан уратыларга 4% тэҥнэһэр. Үүнээйинэн, сүөһү иитиитинэн дьарыктанааччыларга туспа ставкалара бааллар.

Дьулустаан Сергеев, СИА.

Бэлэмнээтэ Женни Стрюкова

Хаартыска: СИА-тан

0
0
Telegram @edersaas20

Добавить комментарий