Бүгүн Ил Дархан Саха Өрөспүүбүлүкэтин миниистирдэрин солбуйааччыларын анаата. Ити туһунан Айсен Николаев Twitter-гэ бэйэтин страницатыгар иһитиннэрэр.
edersaas.ru
Ол курдук, СӨ үөрэҕин уонна наукатын миниистирин бастакы солбуйааччынан Ирина Любимова ананна. Санатан эттэххэ, норуодунай дьокутаатынан талыллыар диэри, кэлиҥҥи икки сылга бу дуоһунаска Феодосия Габышева олорбута.
Ирина Любимова үлэтин Өймөкөөн улууһугар учууталынан саҕалаабыта. Ону тэҥэ, Эдьигээн, Чурапчы улуустарыгар үлэлээбитэ. Дьокуускайдааҕы педагогическай кэллиэс дириэктэринэн ананыан иннинэ “Дьокуускай куорат” уокуругун үөрэххэ управлениетын начаалынньыгын солбуйааччы этэ.
С.Ф.Гоголев аатынан Дьокуускайдааҕы педагогическай кэллиэс дириэктэринэн ананыаҕыттан, саҥа сүүрээннэри киллэрбитэ. Олортон биирдэстэринэн, кэллиэс иһинэн уһуйаан аһыллыыта буолар. Иккиһинэн, быйылгы үөрэх дьылыттан, алын сүһүөх оскуола үлэтин күргүөмнээхтик саҕалаата.
Людмила ПОПОВА, “Саха сирэ” хаһыат, edersaas.ru