Уопсастыба

Ирина Егорова: “Биэрэпис – суолталаах тэрээһин”

Бу күннэргэ Бүтүн Арассыыйатааҕы биэрэпис ыытылла турар. Дойду инники сайдыыта,  былаана тустаах биэрэпистэн быһаччы тутулуктаах.  

edersaas.ru

Быйылгы биэрэпис хас даҕаны көрүҥүнэн ыытыллар: ким эрэ судаарыстыбаннай өҥө порталынан киирэн бэйэтэ толорор, ким эрэ биэрэписчит дьиэтигэр кэлэрин кэтэһэр, ким эрэ биэрэпиһи толорор сиргэ миэстэтигэр тиийэр.

СӨ култууратын үтүөлээх үлэһитэ, СӨ үөрэҕин туйгуна, “Сюрприз” уонна “Ярилов день” үҥкүү норуодунай ансаамбылларын уус-уран салайааччылара Ирина Егорова: “Дьокуускай куорат 202-с түөлбэтигэр олох-дьаһах хомунаалынай өҥө төлөбүрүн төлүүрбэр биэрэписчит баарыгар түбэһэн, хата, туох даҕаны уочарата суох ааспытым. Олус табыгастаах эбит. Быһа холоон 15 мүнүүтэ курдук бириэмэ барбыта.

Күн бүгүн нэһилиэнньэ ахсаана төһөтүн, дьоно-сэргэтэ хайдах усулуобуйаҕа олорорун быһаарарга, учуоттуурга, онтон сиэттэрэн инники былааннары торумнуурга биэрэпис улахан суолталаах. Туһата суох диэбиттэрэ эбитэ буоллар биэрэпиһи ыытымыах этилэр. Барыта нэһилиэнньэ олоҕо-дьаһаҕа тупсарын туһугар оҥоһуллар”, — диэн санаатын үллэһиннэ. Ирина Андроновна эппиэтинэстээх, аҕа көлүөнэ бэрэстэбиитэлэ буоларын быһыытынан, уон сылга биирдэ ыытыллар биэрэпискэ, атын даҕаны маныаха ханыылыы тэрээһиннэргэ өрүү кыттарын бэлиэтиир.

Дойдуларыгар бэриниилээх дьон Саха сиригэр, Арассыыйаҕа улахан суолталаах биэрэпистэн туора турбаттар. Дойдубут сайдыытын биир кыаҕа биэрэпистэн, ол эбэтэр эйигиттэн тутулуктааҕын умнума!

 

Людмила ПОПОВА, “Саха сирэ” хаһыат, edersaas.ru

0
0
Telegram @edersaas20