Ипотеката төлөнөн бүтэ илик саахалланар туруктаах дьиэттэн көһөрүү боппуруоһун көрүөхтэрэ
РФ бэрэсидьиэнэ Владимир Путин ипотеката төлөнөн бүтэ илик эрээри, саахалланар туруктаах дьиэттэн көһөрүү боппуруоһун көрөллөрүгэр РФ Бырабыыталыстыбатыгар сорудах биэрдэ.
Туһааннаах докумуоҥҥа: “Дьиэ саахалланар туруктаах диэн билиниллэр кэмигэр, кирэдьиитэ эбэтэр иэһэ (ипотека кирэдьиитин ааҕан туран) төлөнөн бүтэ илик олорор дьиэттэн дьону көһөрүү боппуруоһун көрөргө итиэннэ ирдэнэр буоллаҕына сөптөөх этиилэри киллэрэргэ”, — диэн суруллар. Көрүү болдьоҕо 2022 сыл ыам ыйын 1 күнүгэр диэри. Сорудахха эппиэттээҕинэн дойду барабыыталыстыбатын бэрэссэдээтэлэ Михаил Мишустин бэйэтинэн анаммыт.
Хаартыска: СИА
+1
+1
+1
+1
+1
+1
+1