Оҕолордоох ыаллар ипотекаларын төлүүллэригэр судаарыстыба көмөлөһүөҕэ

Оҕолордоох ыаллар ипотекаларын төлүүллэригэр диэн РФ Бырабыыталыстыбата 5,5 миллиард солкуобайы көрүөҕэ. Бу туһунан бэҕэһээ, алтынньы 29 күнүгэр, премьер-миниистир Михаил Мишустин бырабыыталыстыба мунньаҕар иһитиннэрдэ диэн «Российская газета» суруйар.

«Оҕолордоох ыалларга быйыл эбии харчы көрүллэрин туһунан боппуруоһу көрүөхпүт.

2019 сыл тохсунньу 1 күнүн кэнниттэн үһүс эбэтэр онтон кэлэр оҕотун төрөппүт дьиэ кэргэттэр ипотекаларын төлүүллэригэр диэн барыта 5,5 миллиард солкуобайы судаарыстыба суотуттан ыытыахпыт.

Төрөппүттэр дьиэлэнии кирэдьиитин төлүүллэригэр 450 тыһыынча солкуобайы ылыахтарын сөп», — диэн премьер эттэ.

edersaas.ru

Хаартыска — СИА.