Уһук Илин гектарын ылбыт дьон учаастактарыгар дьиэ туттар буоллахтарына уонна элбэх оҕолоох ыаллар 2 бырыһыаннаах ипотеканы ылыахтарын сөп. Ол туһунан Уһук Илин уокуругар Бастайааннай бэрэстэбиитэл Юрий Трутнев иһитиннэрдэ. Тустаах сокуон ылылла илик эрээри, олоххо киирэрэ сабаҕаланар.
Кирэдьиит бастакы усунуоһа суох, 20 сылга диэри уонна 2 эрэ %-ҥа бэриллэр. Дьиэни, кыбартыыраны атыылаһарга, туттарга уонна өрөмүөннүүргэ туһаныахха сөп. Бу бырайыакка анаан, федеральнай бүддьүөттэн 7,5 миллиард солкуобайы Уһук Илини сайыннарыы пуондатыгар биэриэхтэрэ. Пуонда эрэгийиэн салалтатын мэктиэтинэн бырагырааманы үлэлэтээччилэри (ипотечнай агентстволары, бааннары, о.д.а.) үбүлүүр.
Бу миэрэ Уһук Илин эрэгийиэннэригэр дьону олохсутар, төрөөһүнү элбэтэр сыаллаах. Онон Саха сиригэр элбэх оҕолоох ыаллар дьиэлэнэллэригэр өссө төгүл биир дьоһун көмө оҥоһуллар буолбут.
Ангелина ВАСИЛЬЕВА, “Саха сирэ” хаһыат, edersaas.ru
+1
+1
+1
+1
+1
+1
+1