Дойду бэрэсидьиэнэ Владимир Путин Уһук Илин эрэгийиэни сайыннарыыга улахан болҕомтотун уурар. Манна дьон олохсуйарыгар табыгастаах усулуобуйаны тэрийэн, оҕо төрөөтөҕүнэ төлөнөр харчыны улаатыннарарга, оттон ипотека бырыһыанын аччатарга РФ бырабыыталыстыбатыгар сорудахтаата.
Онон Уһук Илиҥҥэ бастакы, иккис, үһүс оҕо төрөөтөҕүнэ бэриллэр харчы үрдүүрэ күүтүллэр. Маны олоххо киллэрэргэ федеральнай бүддьүөттэн эбии харчы көрүллүөҕэ.
Ону таһынан, ипотека бырыһыана оҕолоох ыалга кыччаан биэриэҕэ. «Уһук Илин нэһилиэнньэ ахсаанын улаатыннарыы – стратегическай суолталаах сүрүн сыал-сорук ахсааныгар киирэр. Аҕыйах киһиэхэ урутаан сайдар сирдэри, мэҥэ бырайыактары үлэлэтэр туһата суох. Онон социальнай инфраструктураны сайыннарарга ийэ буолууну, оҕо төрөөһүнүн өйүөх тустаахпыт», — диэн эттэ РФ бырабыыталыстыбатын бэрэссэдээтэлин солбуйааччы, Уһук Илин уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев.
Марианна Тыртыкова, edersaas.ru
+1
+1
+1
+1
+1
+1
+1