ДОМ.РФ сүбэлиир киин иһитиннэрэринэн, «Льготная», «Семейная», «Дальневосточная» диэн бырагыраамалар билигин ордук болҕомтоҕо сылдьаллар эбит.
Бу бырагыраамалар бааллар, урукку усулуобуйаларынан үлэлэрин салгыыллар. Маны таһынан, номнуо бэриллибит кирэдьииккэ ставка уларыйбат. Кирэдьиит биэрэр тэрилтэ бэриллибит иэскэ ставканы ханнык эмит төрүөтүнэн уларыппыт буоллаҕына, Арассыыйа Бааныгар эбэтэр суукка биллэр ордук.
Сүбэлиир киин үп ноҕуруускатын чэпчэтэр мэхэньиисимнэри туһанарга сүбэлиир. Холобура, манна ийэ хапытаала кирэдьиит сороҕун сабарга, болдьоҕун кылгатарга көмө буоларын иһитиннэрэр. Итиэннэ ийэ хапытаалын бастакы усунуос быһыыытынан туттуохха сөп.
Чэпчэтиилээх ипэтиэкэни атын өйүүр миэрэлэри кытта дьүөрэлиэххэ сөп. Холобура, элбэх оҕолоох ыалларга бэриллэр төлөбүрдэринэн, эрэгийиэннээҕи бырагыраамаларынан кирэдьиити сабарга туһаныахха сөп. Маны кытта дьиэ атыыласпыт уонна ипэтиэкэ бырыһыанын төлөөбүт нолуок вычеттарын бу сыалга эмиэ туһанар сөптөөҕүн туһунан киин сүбэлиир.