Интэриниэтинэн атыылаһаары-атыылаары түөкүттэргэ түбэспиттэр

Бөлөххө киир:
Ис дьыала министиэристибэтин пресс-сулууспата суруйарынан, Дьокуускай куорат икки олохтооҕо  интэриниэтинэн табаар атыылаһаары уонна атыылаары  түөкүттэргэ түбэспиттэр.
 36 саастаах почтовай отделение салайааччыта уонна  30 саастаах  магистрант дьахтар интэриниэтинэн табаар атыылаһаары уонна атыылаары,   түөкүттэргэ түбэһэн, 103 480 солкуобайдарын уордарбыттар.

Бастакы түбэлтэ.  36 саастаах дьахтар инстаграм нөҥүө гамак-кириэһилэ атыыланарын туһунан биллэриини көрбүт.  Интэриниэтинэн маҕаһыыны кытары сибээскэ тахсан, Дьокуускайга диэри  «Яндекс-сервис» нөҥүө аҕалтараары көрдөспүт. Түөкүн табаары дистанционнай ньыманан төлүүргэ анаан ссылка ыыппыт. Ол ссылканан  киирэн дьахтар баан каартатын, үс сыыппаралаах   CVC-куоду суруйбут. Бу кэниттэн кини счетуттан   42 580 солкуобайы устубуттар. Ол гынан баран, дьахтар табаара кэлбэтэх…

Иккис түбэлтэ. 30 саастаах куорат олохтооҕо  2500 солкуобайга көстүүм атыылыырын туһунан биллэрии таһаарбыт. Сотору буолан баран, киниэхэ атыылаһааччы сибээскэ тахсыбыт итиэннэ табаар төлөбүрүн ыыппытын туһунан эппит. Төлөбүрү ыларга анаан  ссылка ыыппыт.  Атыылааччы дьахтар ссылканан хап-сабар киирбит уонна каартатын нүөмэрин, хаһан болдьоҕо бүтэрин, аатын-суолун,  CVC-куоду, СМС-тары ыыппыт. Төһө эрэ бириэмэ буолан баран, дьахтар баан мобильнай сыһыарыытыгар киирбит, онтута баара,  60 900 солкуобайын сойботон ылбыттар эбит.

edersaas.ru

+1
0
+1
0
+1
0
+1
0
+1
0
+1
0
+1
0