Сүрүн

Интэриниэт, банкомат, онлайн-төлөбүр арахсыа суоҕа

Социальнай ситимнэргэ интэриниэт, банкоматтар уонна онлайн-төлөбүрдэр арахсалларын туһунан сурах тарҕанна. 

СӨ Инновацияҕа министиэристибэтэ сурах сымыйатын туһунан бу курдук иһитиннэрдэ:
«Сибээс лиинийэлэригэр куттал суоһаабат. Кэккэ нэһилиэнньэлээх пууҥҥа ойуур баһаарыттан быстах кэмҥэ уот уонна сибээс бара сылдьыбытын, суһал сулууспалар кэмигэр өрөмүөннээн, чөлүгэр түһэрэн иһэллэр«.

Онон олоҕо суох сурахха итэҕэйимэҥ.

Елена ПОТОЦКАЯ, «Саха сирэ» хаһыат.

3
0