Интэринээт-оскуола иитиллээччилэрэ Владивостокка футболга күрэхтэһиэхтэрэ

Бөлөххө киир:

Муус устар 22 күнүттэн Уһук Илин киин куоратыгар – Владивостокка “Будущее зависит от тебя” Бүтүн Арассыыйатааҕы оҕо дьиэлэрин уонна интэринээт-оскуолаларын икки ардыларынааҕы футбол күрэхтэһиитин эрэгийиэннээҕи сүүмэрдиир түһүмэҕэ ыытыллар.

edersaas.ru

Күрэхтэһиини “Мегафон” ПАУо РФ Спордун уонна Үөрэҕин министиэристибэлэрин итиэннэ Арассыыйатааҕы футбол сойууһун өйөбүлүнэн ыытар. Уһук Илин уонна Илин Сибиир эрэгийиэннэрин оскуола-интэринээттэрин иитиллээччилэрэ чөмпүйэнээт финалыгар киирсэр иһин илин-кэлин түсүһүөхтэрэ.

Үгэс быһыытынан, күрэхтэһии үс түһүмэҕинэн ыытыллар. Быйыл сүүмэрдиир матчка   Приморскай, Хабаровскай, Забайкальскай,  Амурскай, Иркутскай, Магадан, Еврейскэй автономнай уобалас, Бурятия уонна Саха Өрөспүүбүлүкэтиттэн 600-кэ оҕо кыттыыны ылбыта. Муус устар  22 – 24 күннэригэр кыайыылаах  15 хамаанда Владивосток куоракка «Олимпиец» спорт киинигэр күрэхтэһиэхтэрэ. Кыайыылаах икки хамаанда ыам ыйын 27 – 31 күннэригэр Сочига ыытыллар финалга кыттыахтара

Бу турнир социальнай суолталаах.  Манна оскуола-интэринээт уонна оҕо дьиэлэрин иитиллээччилэрэ кытталлар. 2005 сылтан ыытыллар тэрээһиҥҥэ уопсайа 39 тыһыынча оҕо кытынна.

Биһ. корр., edersaas.ru

+1
0
+1
0
+1
0
+1
0
+1
0
+1
0
+1
0