Интэринээт олохтоохторун долгуттулар

Бөлөххө киир:

Өрөспүүбүлүкэ социальнай көмүскэлин үтүөлээх үлэһитэ, Ньурба улууһун Бочуоттаах олохтооҕо Валентина Котоконова дириэктэрдээх Ньурбатааҕы интэринээт-дьиэ олохтоохторугар быйылгы дьыл кэтэһиилээх кэрэ сааһа, кырдьык даҕаны, ураты түгэннэри, соһуччу үөрүүлэри бэлэхтээн тиийэн кэлэн, кырдьаҕастарбытын уйадыта-долгутта.

edersaas.ru

Бу иккис дойду оҥостубут сирбит, кэнчээри ыччатыттан кырдьаҕаһыгар, боростуой үлэһит дьонуттан салайааччытыгар тиийэ биһигини өйдөөн, сыаналаан болҕомтоҕо ылан, кэлэн, көрсөн үлэни-хамнаһы, олоҕу-дьаһаҕы билсэн бараллара кэрэхсэнэр суол.
Ол курдук, быйылгы дьылга бастакынан Ньукуолун күнүгэр улуустааҕы дьиэ-уот, коммунальнай хаһаайыстыба үлэһит кэлэктиибэ  (салайааччылар Алексей Тихонов, Антон Костин, Алена Степанова)  кус кэһиилээх кэлэн соһуччу үөртүлэр.
Онтон нөҥүө күнүгэр К.Д.Уткин аатынан Норуоттар Доҕордоһууларын мусуойугар, аар айылҕа маанылаан, бэйэтэ оҥорон-чочуйан дьиктитик үүннэрэн таһаарбыт аар хатыҥын сөҕө-көрө, сүгүрүйэ-махтана, айылҕаҕа сылдьан сынньанан кэлбиппит.
Онтон бэйэбитигэр хортуоска олордуутугар субуотунньуктуу тахсаары сырыттахпытына, улууспут аҕа баһылыга А.М.Иннокентьев уонна Октябрьскай нэһилиэк баһылыга Семен Корякин быйылгы сааскы булт аһыттан амсата, куулунан кус кэһии аҕалан, соһуттулар, үөртүлэр.
Биһиги маны өрөспүүбүлүкэҕэ биллэриллибит Кыайыы 75 сыллаах үбүлүөйүгэр бэлэмнэнии чэрчитинэн, үтүө дьыала аахсыйатыгар кыттыһан ыытыллар үлэ быһыытынан сыаналыыбыт, ылынабыт.
Кыайыыны уһансыбыт, эйэлээх олоҕу чөлүгэр түһэрсибит кырдьаҕас көлүөнэҕэ, киһини киһи оҥорбут үлэни өрө тутан, үтүө, сырдык санаанан салайтаран, сайдыы суолун тутуһан, кэскили түстэһэ, айа-тута, үөрэ-көтө үлэлии-хамсыы дьоллоох, доруобай сылдьыҥ диэн алгыспытын аныыбыт.

Ньурбатааҕы интэринээт-дьиэ олохтоохторо, “Саха сирэ”, edersaas cайтка анаан

+1
0
+1
0
+1
0
+1
0
+1
0
+1
0
+1
0