Интэринээт-дьиэ олохтоохторугар «Дүллүкүттэн кэһии» ыыттылар

Ньурбатааҕы В.А.Петрова аатынан инбэлииттэр уонна кырдьаҕастар интэринээт-дьиэлэригэр олорор биир дойдулаахтарыгар   Филиппова Мария Ивановнаҕа, Христофорова Валентина Ивановнаҕа, Дыраев Петр Николаевичка, Санникова Надежда Петровнаҕа, Анисимова Наталья Николаевнаҕа, Санников Петр Петровичка, Санников Василий Петровичка  самаан сайын кэлбитинэн, Ньукуолун күнүнэн,  Дүллүкү нэһилиэгин тэрилтэлэрин аатыттан истиҥник эҕэрдэлээн  туран ‘Дүллүкүттэн кэһии»  ыыттылар.

Оттон бэҕэһээ, ыам ыйын 21 күнүгэр, Үөһээ Бүлүү улууһун Дүллүкү нэһилиэгин баһылыга Егор Алексеевич Николаев кэргэниниин интэрнээккэ олорор биир дойдулаахтарыгар аймахтарыттан уонна тус бэйэтиттэн кэһии аҕалан туттардылар.

Хас биирдии киһиэхэ аадырыстаммыт кэһиилээхтэр. Валентина Ивановна Христофорова 70 сааһын томточчу туолбутунан итии-истиҥ эҕэрдэтин этэн туран сэмэй бэлэҕин туттарда.  Интэринээккэ  олорооччулар үөрүүлэрин биллэрэн, түннүгүнэн быган туран ытыс тыаһынан махтаннылар.

Дүллүкү нэһилиэгин баһылыга Е.А.Николаевка истиҥ махталбытын тиэрдэбит.
⠀

Изамира Семенова, В.А.Петрова аатынан Ньурбатааҕы улуустар икки ардыларынааҕы кырдьаҕастар уонна инбэлииттэр интэринээт-дьиэлэрин дириэктэрэ.

https://www.instagram.com/p/CPJ1YfMgnql/?utm_medium=copy_link