Сүрүн Үөрэх уонна наука

Интеллектуальнай оонньуу кыттыылаахтара Хаҥалас улууһугар былыргы уҥуохтары буллулар

Интеллектуальнай оонньуу норуоттар икки ардыларынааҕы чинчийэр оскуолатын кыттааччылара  “Эллэйаада” хонуу эспэдииссийэтин кытта Хаҥалас улууһун Ой сэлиэнньэтиттэн чугас эдэр бөрө уонна былыргы үүнээйи тобохторун буллулар. Булумньуну геологическай сылын быһаарыыга ыытар ирдэнэр диэн Норуоттар икки ардыларынааҕы чинчийэр оскуола “Саха сирин хайа хахайын палеозоогеографията” («Палеозоогеография пещерного льва в Якутии”) бырайыак кыттыылаахтара бэлиэтииллэр.

“Палеонтология – сир анныттан көстөр организмнары үөрэтэр билим. Норуоттар икки ардыларынааҕы чинчийэр оскуола хонуу үлэтин сүрүн соругунан, сир анныттан көстөр харамайдары хайдах үөрэтэллэрин көрдөрүү буолар. Оҕолор булумньу миэстэтин ойуулуу, тафономическай уонна палеоэкологическай анаалыһы оҥоро үөрэннилэр. Хаҥалас улууһун Ой сэлиэнньэтиттэн чугас девонскай саастаах былыргы уҥуохтары, үүнээйилэри буллубут. Саамай интэриэһинэй булумньу – эдэр бөрө төбөтүн уҥуоҕа”, — диэн бырайыак салайааччыта Константин Протодьяконов кэпсиир.

Норуоттар икки ардыларынааҕы чинчийэр оскуола кыттааччыларын кытта хонууга үлэлэр от ыйын 3-4 күннэригэр буоллулар. Оҕолор “Палеонтологическай квадрат” ньыматынан сир анныттан көстөр харамайдар миэстэлэрин булууну чинчийдилэр.

Василий Великэй Сибэтиитэл гимназиятын (Москва к.) 7-с кылааһын үөрэнээччитэ Георгий Годованец Интеллектуальнай оонньууларга аан маҥнай кыттар. Кини Саха сирин, куйааһын, сэргэх, кэпсэтинньэҥ оҕолорун, ону тэҥэ, палеонтологияҕа дьарыктары биһирээбит. “Биһиги былыргы үүннээйилэр суолларын, бөрө төбөтүн уҥуоҕун буллубут. Саамай сүрүн быраабыла – булуллубут уҥуохтары уонна сирин анаалыстыахтарыгар диэри сыҕарытыллыбат итиэннэ хаартыскаҕа түһэриллибэт. Булумньу чопчу сылын быһаарарга радиоуглероднай анаалыс ирдэнэр”, — диэн эдэр палеонтолог кэпсиир.

 

Норуоттар икки ардыларынааҕы интеллектуальнай оонньуу пресс-киинэ.

0
0
Telegram @edersaas20