Биллэрин курдук, инсулин препаратын улахан аҥаара дойдуга бэйэтигэр оҥоһуллар.
edersaas.ru
Билигин Арассыыйаҕа инсулин 17 препарата уонна солбуйар эмэ регистрациялаахтар. Олортон 13-һэ -– олоххо-дьаһахха тыын суолталаах эмтэр.
Бу эмтэри инсулиҥҥа наадыйар ыарыһахтар быраас эрэсиэбинэн босхо ылаллар.
Оттон дойдуга оҥоһуллар инсулин эмтэнээччигэ сөп түбэспэт буоллаҕына?
Аан дойдуга инсулины сүрүн оҥорооччулар инсулин препараттарын Арассыыйа ырыынагар киллэрии үлэтин салҕыылларын туһунан РФ Доруобуйа харыстабылын министиэристибэтигэр бигэргэттилэр. Онон омук препараттара Арассыыйаҕа бааллар.
Туттар инсулиҥҥыт аптекаҕа суох буоллаҕына?
Арассыыйа Доруобуйаҕа харыстабылын министиэристибэтэ Росздравнадзоры кытары саахарынай диабеттаахтарга наадалаах эминэн хааччыйыыны хонтуруоллуур.
Инсулины эмтиир тэрилтэ дуогабардаах аптекаларыттан ылыахха сөп. Ол аптекалар аадырыстарын ырысыап суруйар быраас ыйан-кэрдэн биэрэр. Өскөтүн ыарыһах кэккэ төрүөтүнэн бырааһыгар этиллибит болдьоҕор кыайан кэлбэтэҕинэ уонна инсулиҥҥа ырысыаба суох хааллаҕына, аптекаттан харчыга атыылаһыан сөп.
Надежда ЕГОРОВА, «Саха сирэ», edersaas.ru