Маны аах

Инстаграмм аны икки күнүнэн сабыллар…

Арассыыйа уонна Украина сыһыаннарыттан сылтаан, ордук социальнай ситимнэринэн араас олоҕо суох, сымыйа сурахтар тарҕаныылара элбээтэ.

Мета хампаанньа Арассыыйа олохтоохторун утарар бэлиитикэни ыытан, Роскомнадзор Инстаграмм үлэтин хааччахтыыр туһунан быһаарыыны ылынна.

Онон, Инстаграмм аны икки күнүнэн, кулун тутар 14 күнүгэр, сарсыарда 6 чааска сабыллар. Роскомнадзор туһааннаах ситими хатаан кэбиһэр. Бу икки күнү туһанан файлларгытын социальнай ситимтэн таһаараргытыгар сүбэлииллэр.

ЫСПЫРААПКА

Meta Platforms Inc. — Америка  транснациональнай холдинговай хампаанньата.  Бу холдиҥҥа Facebook, Instagram, WhatsApp уонна Oculus ситимнэр киирэллэр. 

 

edersaas.ru

Хаартыскалар: https://rkn.gov.ru/

0
0
Telegram Whatsapp