Георгий Петрович Андреев СӨ инновациятын, цифровой сайдыытын уонна инфокоммуникационнай технологиятын миниистирин солбуйааччынан ананна.
edersaas.ru
Кини 1979 сыл от ыйын 24 күнүгэр Дьокуускай куоракка күн сирин көрбүтэ. 2001 сыллаахха СГУ Үп-экэниэмикэ институтун, 2004 сыллаахха «Юриспруденция» хайысханан Судаарыстыбаннай администрирование институтун, 2006 сыллаахха ААН Сибиирдээҕи салаатын «Эрэгийиэннээҕи экэниэмикэтин» үөрэнэн бүтэрбитэ.
Үлэтин программист-буҕаалтыртан саҕалаабыта, аҕыс сыл «Ростелеком» хампаанньаҕа исписэлииһинэн, онтон атыы-эргиэн салаатын салайааччытынан үлэлээбитэ. Сковородино — Дьокуускай, Ленскэй — Мииринэй — Дьокуускай аныгы сибээс ситимин тардарга тиэхиньиичэскэй-экэнэмиичэскэй төрүөтүн оҥорсубут ааптардартан биирдэстэрэ.
2014 сылтан миниистир солбуйааччытынан ананыар диэри Георгий Андреев «Саха сирин цифровой технологията» — «Саха сирин сонуннара» медиа-ааҕыныстыба дириэктэрэ этэ.
«Ростелеком» уонна СӨ Сибээһин министиэристибэтин биэдэмистибэннэй наҕараадалардаах.
«Саха сирэ», edersaas.ru