Иннокентий Баланов: «Табаһыт күнэ таҕыста!»

Ааптар: 
Бөлөххө киир:

Бүгүн, атырдьах ыйын 9 күнүгэр, Ил Дархан Айсен Николаев Табаһыт күнүн олохтуур туһунан ыйааҕы таһаарда.

edersaas.ru

Бу ыйаах суолтатын туһунан тыа хаһаайыстыбатын министиэристибэтин Үгэс буолбут хотугу салааларга департаменын эппиэттээх үлэһитэ Иннокентий Баланов маннык этэр:

Ил Дархан төрүт олохтоох, аҕыйах ахсааннаах хотугу омуктар үгэстэрин, төрүт дьарыктарын харыстааһыҥҥа, сайыннарыыга табаһыт оруолун, табаны иитии өрөспүүбүлүкэ экэниэмикэтигэр биир улахан суолталаах салаа буоларын бэлиэтээн, маннык ыйааҕы таһаарда.

Табаһыт күнэ хас сыл ахсын, кулун тутар ый бастакы субуотатыгар бэлиэтэниэҕэ. Ити саамай табыгастаах кэм, чуолаан бу кэмҥэ, уһун, тымныы кыһын ааһыыта былыр былыргыттан табалаах омуктар түмсэннэр, дьаарбаҥкалыыр, таба атастаһар, олохторун-дьаһахтарын билсэр, эдэрдэр бэйэ-бэйэлэрин кытары көрсүһэн ыал буолар, олохторун оҥостор үгэстээхтэрэ. Сэбиэскэй былаас саҕана эмиэ бу кэмҥэ Табаһыттар сүлүөттэрэ тэриллэн, үлэ уопутун атастаһыы, бастыҥнары чиэстээһин ыытыллара. Ол үтүө үгэстэри сайыннаран, Айсен Николаев Табаһыт күнүн олохтоото! Бу ыйаах биһиги үлэбитигэр улахан тирэх буолар, иккис өттүттэн, дьоһун эппиэтинэһи сүктэрэр. Табаһыт идэтин үрдэтиигэ, олоҕу кытары тэҥҥэ хаамсан, таба иитиитин салаатыгар саҥа технологиялары киллэриигэ иннибит диэки хардыылаан иһиэхпит.

Раиса Сибирякова, «Саха сирэ» edersaas.ru.

+1
0
+1
0
+1
0
+1
0
+1
0
+1
0
+1
0