СӨ үтүөлээх артыыһа Дьулустаан Семенов бу ыксаллаах кэмҥэ биир дойдулаахтарын дьиэҕэ олоруохха, инникибитин толкуйдуохха диэн ыҥырар.
edersaas.ru
Дьулустаан Семенов Щепкин аатынан үрдүкү театральнай училищены 2002 сыллаахха бүтэриэҕиттэн Үүнэр көлүөнэ тыйаатырыгар, онтон билигин Былатыан Ойуунускай аатынан Саха академическай тыйаатырыгар үлэлиир. Кини араас чаҕылхай уобараһы айан таһаара сылдьар, комедияны да, трагедияны да кыайа тутар ураты талааннаах артыыс.
Дьулустаан тыйаатырга үлэтин таһынан үгүс сахалыы киинэҕэ ситиһиилээхтик уһуллар. Никита Аржаков “Снайпер Саха” (2010) диэн байыаннай драма жанрдаах киинэтигэр Аҕа дойду сэриитигэр дьоруойдуу киирсибит саха снайпердарын түмэн көрдөрөр снайпер уобараһын бэрт итэҕэтиилээхтик арыйбыта. Маны таһынан Дьулустаан Хаамаайы Бааскатын билбэт өрөспүүбүлүкэ олохтооҕо суоҕа буолуо.
Дьулустаан испэктээк эбэтэр киинэ геройун итэҕэтэр гына оонньоон көрөөччү биһирэбилин ылыан ылар.
Ньургуйаана Иванова, “Саха сирэ” хаһыат, edersaas.ru
Хаартыска интэриниэттэн