Доруобуйа

Инники үс сылга судаарыстыба хааччыйар мэдиссиинэ көмөтүн босхо оҥорууга бырагыраамата бигэргэннэ

Бырабыыталыстыба Бэрэссэдээтэлэ Михаил Мишустин 2022 сылга уонна былааннаммыт 2023 уонна 2024 сылларга мэдиссиинэ көмөтүн босхо оҥорууга судаарыстыба мэктиэлээһиннэрин бырагырааматын бигэргэттэ.

Саҥа бырагыраамаҕа коронавирус дьаҥын тарҕаныытын усулуобуйатыгар доруобуйа харыстабылын тиһигин уратыта болҕомтоҕо ылылынна, билиҥҥи курдук балыыһалар уонна поликлиникалар улахан ноҕоруускалаахтарын да үрдүнэн ыарыһахтар сөптөөх эмтэниини ылалларын курдук.

Маны сэргэ дириҥник ыытыллар диспансеризацияны ыытыыга мэдиссиинэ тэрилтэлэрин ороскуоттарын үбүлээһин көрүлүннэ. 2021 сыл от ыйын 1 күнүттэн маннык чинчийиинэн коронавируһунан ыалдьа сылдьыбыт дьону хабаллар.

Ону тэҥэ бырагыраамаҕа ыарахан сыаналаах үрдүк технологиялаах мэдиссиинэ көмөтүн кэрискэтэ  киирдэ, ол иһигэр сүрэх-тымыр хирургиятыгар.

Инсуллаабыт пациеннарга үрдүк тхехнологиялаах мэдиссиинэ көмөтүн оҥоруу эмиэ бырагыраамаҕа чопчуланна.

Быһата, уруккутун курдук, дьон булгуччулаах мэдиссиинискэй  страховкалааһын полиһынан босхо көмөнү ылыахтара, ол иһигэр үрдүк технологиялааҕы уонна анал көмөнү.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан

0
0
Telegram Whatsapp