Эдэр саас

Иниспиэктэрдэр уруоктары ыыталлар

ГИМС иниспиэктэрдэрэ Дьокуускайга куттал суох буолуутугар аналлаах уруоктары тэрийэн ыыталлар.

Сотору уулар чараас мууһунан бүрүллүөхтэрэ. Онон оҕолорго, дьоҥҥо-сэргэҕэ эрдэттэн сүбэлиир-өйдөтөр, кутталлаах түгэн үөскүүр түбэлтэтигэр тугу гыныахтаахтарын быһаарар сыаллаах-соруктаах үлэлэр тиһиктээхтик салҕаналлар диэн РФ ЫБММ Саха сиринээҕи салаатын отдела иһитиннэрэр.
Иниспиэктэрдэр (ГИМС) Дьокуускайга юридическай полицейскай кэллиэс  устудьуоннарыгар уруок ыыппыттар. Ууга сэрэхтээх буолуу быраабылаларын санаппыттар. Кутталлаах түгэн үөскүүр түбэлтэтигэр тугу гынарга, төлөпүөнүнэн быһааччылары хайдах ыҥырыахтаахтарын быһаарбыттар. Маны сэргэ, ууга түспүт дьону быыһыырга туттуллар тэриллэри көрдөрбүттэр.
Маннык хабааннаах уруогу иниспиэктэрдэр «Чолбон» бассейнҥа «СӨ быыһыыр сулууспа» ГБУ, ВОСВОД Арассыыйатааҕы уопсастыбаннай организация эрэгийиэннээҕи сэбиэтин бэрэстэбиитэллэрин кытта көмөлөөн тэрийбиттэр. Быраабылалары, эмсэҕэлээччигэ быраас кэлиэр диэри оҥоһуллар бастакы сүрүн көмөнү хайдах оҥорору билиһиннэрбиттэр. Түмүккэ өйдөтөр-сүбэлиир суруктаах кыра памяткалар туттарыллыбыттар.
Өрөспүүбүлүкэ ытыктабыллаах олохтоохторо уонна ыалдьыттар! Оҕолоргутун уу таһыгар көрүүтэ-истиитэ суох хаалларымаҥ! Уу таһыгар оҕолор бэйэлэрэ эрэ сылдьар буоллахтарына, аттыларынан ааһан хаалымаҥ. Ууттан сэрэхтээх буолуу быраабылатын оҕоҕо өйдөтөр, санатар, быһаарар буоллахха, оҕо ону өйдүүр. Бэйэҕитин уонна чугас дьоҥҥутун харыстааҥ.
0
0