Ханан даҕаны тымныы кыһын буолан, дьон кыылларга, чыычаахтарга олус харыстабыллаахтык сыһыаннаһаллар. Көрө-истэ сылдьаллар. Орто Халымаҕа эмиэ оннуктар эбит. Манна ааҕыҥ.
Бүгүн Орто Халыма улууһун экологияны кэтээн көрүүгэ судаарыстыбаннай иниспиэксийэтигэр Орто Халыма куорат олохтооҕо тыллабыр түһэрбит. Кини дьиэтин сарайыгар саһыл киирбитин туһунан.
Онуоха бу иниспиэксийэ уонна Биоресурсалары, айылҕа ураты харыстанар сирдэрин уонна айылҕа пааркаларын салайар дириэксийэ иниспиэктэрдэрэ тута онно тиийбиттэр. Дьэ, онтон саһылы көмөлөөн тутан баран, Орто Халыма улууһун Бэтэринээрийэ управлениетыгар тиэрдибиттэр. Бэтэринээрдэр бастакы көмөнү оҥорбуттар, саһыл туругун көрбүттэр-истибиттэр уонна ол кэнниттэн төрөөбүт ийэ айылҕатыгар ыыппыттар. Сүрэҕэ куттанан толугуруу мөхсүбүт саһылчаан төһө эрэ куотта ээ.
Бэлэмнээтэ Женни Стрюкова
Хаартысканы: дириэксийэттэн тиксэрдилэр