Ини-бии Контоевтар бириистэригэр көҥүл тустууга турнир буолла

Ааптар: 
Бөлөххө киир:

Ааспыт өрөбүллэргэ Горнай Бэрдьигэстээҕэр ини-бии Герман уонна Александр Контоевтар бириистэригэр көҥүл тустууга турнир буолла. Барыта 20-ттэн тахса тустуук күрэхтэстэ.

Күрэхтэһии түмүгэ маннык буолла:

57 киилэҕэ диэри ыйааһыҥҥа: 1 м — Дьулустан Федотов, 2 м — Айсен Винокуров, 3 м — Любомир Ашеин.

61 киилэҕэ диэри ыйааһыҥҥа: 1 м — Александр Авелов, 2 м — Ньургун Терентьев, 3 м — Гаврил Макаров.

70 киилэҕэ диэри ыйааһыҥҥа: 1 м —  Егор Захаров, 2 м — Вальтер Владимиров, 3 м — Ньургустан Иванов.

79 киилэҕэ диэри ыйааһыҥҥа: 1 м — Буян Цыренов, 2 м — Петр Захаров, 3 м — Одун Сергеев.

79 киилэттэн үөһээ ыйааһыҥҥа: 1 м — Никита Хабаров, 2 м — Даниил Иванов, 3 м — Эдуард Максимов.

Итиэннэ түөрт спортсмены анал бирииһинэн наҕараадалаатылар: Дьулустан Федотовы — «Күрэхтэһии бастыҥ тустууга», Петр Захаровы — «Бастыҥ тиэхиньикэ», Вальтер Владимировы — «Кэскиллээх тустуук», Никита Хабаровы — «Кыайыыга дьулуурун иһин».

Турнир Герман Контоев 50 сааһыгар уонна ини-биилэр көҥүл тустууга аан дойду чөмпүйэнээтигэр өрөгөйдөөбүттэрэ сүүрбэ сылыгар ананан ыытылынна. Лоп курдук сүүрбэ сыллааҕыта, 2001 сыллаахха, Болгария София куоратыгар ыытыллыбыт чөмпүйэнээккэ 54 киилэҕэ диэри ыйааһыҥҥа Герман Контоев кыһыл көмүс, оттон Александр Контоев боруонса призер буолары ситиһэн, Саха сирин аан дойдуга ааттаппыттара.

+1
0
+1
0
+1
0
+1
0
+1
0
+1
0
+1
0