Информационнай бэлиитикэ департаменын салайааччыта ананна

Бөлөххө киир:

СӨ Ил Дарханын уонна бырабыыталыстыбатын дьаһалтатын Информационнай бэлиитикэҕэ уонна маассабай коммуникацияҕа департаменын салайааччытынан Семен Трофимов ананна. Бу туһунан бүгүн Ил Дархан Айсен Николаев ыйааҕа таҕыста.

Семен Иванович бу иннинэ ГТРК “Саха”  дириэктэрин солбуйааччынан үлэлии олорбута. Кини М.К.Аммосов аатынан Саха судаарыстыбаннай университетын, Москватааҕы норуоттар икки ардыларынааҕы сыһыаннаһыы судаарыстыбаннай университетын үөрэнэн бүтэрбитэ. “Сахалес”, “САРТ-Якутия” тэрилтэлэргэ исписэлииһинэн, сулууспа салайааччытынан, дириэктэринэн сылдьыбыта. 2004 сылтан “Саха” ГТРК биэрии редакторынан, кылаабынай экономиһынан үлэлээбитэ. 2005 сылтан «Саха» ГТРК дириэктэрин солбуйааччы.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0