Инфекционнай балыыһа саҥа дьиэтэ тутуллуоҕа
Олох-дьаһах

Инфекционнай балыыһа саҥа дьиэтэ тутуллуоҕа

Дьокуускайга инфекционнай балыыһа саҥа дьиэтэ тутуллуоҕа. Тутуу суумата – быһа барыллаан, 1,7 миллиард солкуобай.

Бырайыагын, сметатын үлэтигэр өрөспүүбүлүкэтээҕи бүддьүөттэн 50 мөлүйүөн солкуобай көрүлүннэ. Экэниэмикэ миниистирэ Майя Данилова этэринэн, аан дойдуга коронавирус тарҕаныытынан, инфекционнай балыыһа наадалааҕа ырылхайдык көһүннэ.

Чахчы, билигин үлэлии турар балыыһа усулуобуйата аныгы ирдэбиллэргэ эппиэттээбэт, араас инфекция тарҕанар кэмигэр үксүгэр миэстэ тиийбэт буолар, онон ыарыһахтар, кыра оҕолор көрүдүөргэ да сытар түбэлтэлэрэ тахсар. Онон, саҥа балыыһа тутулуннаҕына, киин куорат олохтоохторугар уонна күнүстэри-түүннэри ыарыыны кытары охсуһар быраастарга дьоһун бэлэх буолуоҕа.

Саҥа балыыһа Дьокуускай 150-с кыбаарталыгар (Уобаластааҕы балыыһа оройуонугар) тутуллара былааннанар.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

одиннадцать − восемь =