Индрайвер, Майтона уолаттара өрөспүүбүлүкэ балыыһаларыгар 45 мөл. солк. биэриэхтэрэ
Өрөспүүбүлүкэҕэ эпидемиологическай быһыы-майгы кытаатан, балаһыанньа тыын суолталанна.
edersaas.ru
Онон оскуола оҕолоругар карантин, каникул биллэрилиннэ. Бу кэмҥэ оҕолор эбии дьарыктаналларыгар саамай тоҕоостоох кэм.
Билигин үгүс интэриниэт-ресурсалар киинэлэри, аудиокинигэлэри, онлайн-трансляциялары босхо көрдөрөн эрэллэр.
Ил Дархан Айсен Николаев манна туһаайан инстаграмҥа тус страницатыгар sakhamovie.ru онлайн-киинэ тыйаатырыттан сахалыы сорох киинэлэри олохтоохтор босхо көрөллөрүгэр кыах бэриллибитин туһунан эттэ. Муус устар 10 күнүгэр диэри туһааннаах сайтка киирэн үгүс киинэни босхо, сорохторун улахан чэпчэтиилээх сыананан көрүөхпүт. Киинэлэри маннык аадырыска киирэн хачайдыахха сөп https://sakhamovie.ru/#!/cat/movie/free/all/
Маны таһынан, Ил Дархан ХИФУ информационнай уонна үөрэтэр ресурсаларын туһаныахха сөбүн ыйда. Туһааннаах көрдөһүү суругу университет салалтатыгар суруйбутун эттэ.
Онон чугастааҕы кэмҥэ аһаҕас лиэксийэлэри, вебинардары истиэхпит.
ИТ-биисинэс бэрэстэбиитэллэрэ дьоһун суолталаах социальнай эппиэтинэстээхтэрин холобурдуохпут этэ. Ол курдук Индрайвер, Майтона хампаанньалар уанна Арсен Томскай Саха сирин балыыһаларыгар коронавирус инфекциятын утары туһаныллар (аппараты искусственной вентиляции легких) аппарааттары атыылаһарга 45 мөлүйүөн солкуобайы биэрэллэрин туһунан иһитиннэрбиттэр. Айсен Николаев ИТ-биисинэс уолаттарыгар инстаграм нөҥүө махталын биллэрдэ.
edersaas.ru