Индияны кытта эргиэн сыл иһигэр 50% үрдээтэ

Ааптар: 
Бөлөххө киир:

2014 сыллаахха Тас дойдулары кытта эргиэн министиэристибэтэ, Арассыыйа уонна Индия икки ардыларыгар 2025 сылга диэри эргиэн кээмэйин $30 млрд суумаҕа тиийэ үрдэтэр былаан ылыллыбытын туһунан иһитиннэрбитэ.

2021 сыллаахха бу көрдөрүү $13,5 млрд тэҥнэспитэ. Ол эбэтэр 2020 сылы кытта тэҥнээтэххэ 50% эбиллибит. Былааннаммыт сууматтан үс төгүл кыра көрдөрүү эрээри, сыл иһигэр ылыллыбыт тэтим эрэли үөскэтэр.

Индия билигин биир саамай улахан суолталаах дойдуларга киирсэр. Соторутааҕыта дьонун ахсаана 1,4 млрд киһиттэн тахсан, Кытайы сотору ситиэх курдук. Ону таһынан экэниэмикэтэ тэтимнээхтик сайдан эрэр буолан, энергетика хайысхатыгар, углеводород оттугунан эргиэн чааһыгар улахан кэскиллээх буолбут.

Арассыыйаны утары сааҥсыйаларга кыттыспатах биир бөдөҥ экэниэмикэ билигин эргиэн чааһыгар Арассыыйаны кытта алтыһыыта күн-түүн кэҥиир.

Соторутааҕыта Арассыыйа бааннара SWIFT төлөбүр систиэмэтиттэн арахсыбыттарыттан тахсыбыт харгыс ситиһиилээхтик туоратыллыбыта, Индия уонна Арассыыйа икки ардыларыгар рупиянан уонна солкуобайынан туһанан эргинэр ньыма олохсуйбута.

Билигин ханнык табаардар төһө кээмэйинэн атыыга кытталларын этэр уустук. Таможня муус устартан бу информацияны аһаҕастык бэчээттииртэн аккаастаммыта. Ол эрээри, сүрүн табаардар биллэллэр. Индия Арассыыйаттан ньиэп, гаас, таас чох атыылаһар, Арассыыйаҕа бу дойдуттан чэй, ириис куруппа, таҥас уо.д.а. киирэр.

+1
0
+1
0
+1
0
+1
0
+1
0
+1
0
+1
0