Инбэлииттэри уонна кырдьаҕастары көрүүгэ төлөбүрү толоруу бэрээдэгэ уларыйда
Докумуону аны ким ирдэһэр буолбутуй? Манна ааҕыҥ.
Инбэлииттэри уонна кырдьаҕас дьону көрөр-истэр дьоҥҥо төлөбүрү оҥотторуу судургу буолла. Бу туһунан уураахха Бырабыыталыстыба Бэрэссэдээтэлэ Михаил Мишустин илии баттаата.
Билигин маннык төлөбүрү ылар туһугар кинилэр үлэлээбэттэрин уонна ханнык даҕаны босуобуйаны эбэтэр биэнсийэни ылбаттарын туһунан бигэргэппэт буолуохтара. Ону сэргэ көрөр киһилэрэ олорор сирин уларыппытын туһунан ыспыраапканы ирдэһэр эмиэ наадата суох. Бу сибидиэнньэлэри Биэнсийэ пуондатын уорганнара федеральнай иһитиннэрэр тиһиктэн ылыахтара.
Бастакы группалаах инбэлииттэри уонна 80 саастарын туолбут кырдьаҕастары көрөр-истэр үлэлээбэт дьоҥҥо ый аайы төлөбүр бэриллэр. Төлөбүрү дьиэ кэргэн чилиэннэрэ эбэтэр көмөлөһүннэрэр киһилэрэ ылыахтарын сөп. Көрбүт кэмнэрэ страховой ыстааска ааҕыллар.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска https://kontursverka.ru