Бу күннэргэ инбэлииттэр дэкээдэлэрин аһыллыыта куйаар ситиминэн өрөспүүбүлүкэтээҕи тиэхиньикум-интэринээт дьиэтигэр буолла.
Манна тустаах министиэристибэлэр, үөрэхтээһин уонна култуура тэрилтэрин, федеральнай уонна өрөспүүбүлүкэтээҕи таһымнаах уопсастыбаннай тэрилтэлэр салайааччылара кыттыыны ыллылар.
Доруобуйаларынан хааччахтаах дьоҥҥо кэлим социальнай өйөбүлү оҥорууга дойду уонна өрөспүүбүлүкэ таһымнарыгар судаарыстыба чэрчитинэн араас үлэ барарын туһунан СӨ Үлэ уонна социальнай харысхал министиирин солбуйааччы Альбина Трубина билиһиннэрдэ. Өрөспүүбүлүкэтээҕи тиэхиньикум-интэринээт дириэктэрэ Рина Винокурова эһиил үөрэх кыһата 75 сыллаах үбүлүөйүн бэлиэтиирин иһитиннэрэн туран, үбүлүөйдээх 2022 сылга ыытыллыахтаах тэрээһиннэр тустарынан билиһиннэрдэ.
Инбэлииттэр дэкээдэлэрин чэрчитинэн ахсынньы 3 күнүгэр диэри өрөспүүбүлүкэҕэ доруобуйаларынан хааччахтаах дьоҥҥо анаан араас суолталаах тэрээһиннэр ыытыллыахтара.
Елена ПОТОЦКАЯ, “Саха сирэ” хаһыат, edersaas.ru