Доруобуйаларынан хааччахтаах дьону үлэнэн хааччыйыыга Саха Өрөспүүбүлүкэтэ Уһук Илиҥҥи уокурукка Чукотка автономнай уокуругун кэнниттэн иккис миэстэҕэ сылдьар. Саха сирин тэрилтэлэригэр 6749 инбэлиит үлэлиир, оттон 2018 с. бүтэһигэр диэри 1643-тэн итэҕэһэ суох киһини үлэнэн хааччыйар сорук турар.
edersaas.ru
35 киһиттэн элбэх үлэһиттээх тэрилтэ инбэлииттэргэ үлэ миэстэтин биэрэр эбээһинэһин (квота) туһунан сокуоҥҥа уларыйыылары 639 тэрилтэ толорбот. Үлэни биэрээччилэр инбэлиити ылыан баҕарбат төрүөттэринэн доруобуйатынан хааччахтаах киһи туһунан олоҕуран хаалбыт урукку өйдөбүллэр уонна уопсастыбаҕа сөптөөх иһитиннэриилэр тиийбэттэрэ буолаллар.
Ол эрэн, үтүө холобуру көрдөрө сылдьар муниципальнай тэрилтэлэр бааллар. Ол курдук, Нерюнгри улууһун дьарыктаах буолуу киинигэр 53 инбэлиит үлэ миэстэтин ыйыта кэлбититтэн 21 киһиэхэ үлэ булан биэрбиттэр. Ону тэҥэ, кинилэри саҥа үлэҕэ үөрэтии уо.д.а. дьаһаллар ыытыллаллар.
Надежда ЕГОРОВА, «Саха сирэ» хаһыат, edersaas.ru