Доруобуйа Суолталаах

Инбэлиит-биэнсийэлээх тус сыаллаах бырагырааманан кулгаахтарынан истибэт дьоҥҥо аналлаах аппарааты босхо ылар бырааптаах дуо?

Социальнай   үлэһиттэр быһааралларынан,  инбэлииттэр  доруобуйаларын реабилитациялыырга аналлаах сириэстибэлэри, тэриллэрэ тус сыаллаах бырагырааманан толору ылар бырааптаахтар.  Хайаан да инбэлиит статустаах буолуохтаахтар. 

Холобур, быраастар инбэлиит киһиэхэ кулгаахтарынан истибэт дьоҥҥо аналлаах аппарааты туһаныахтааҕын туһунан эрэкэмэндээссийэлээхтэринэ,  ону үс ньыманан ылыан сөп:

— социальнай страховкалааһын пуондатыттан;

— бэйэ үбүнэн атыылаһан баран, компенсация ылыллар;

— электроннай сэртипикээт көмөтүнэн.

Санатар буоллахха,  былырыыҥҥыттан реабилитацияны ааһарга аналлаах тус сыаллаах  бырагыраамаҕа хапсыы электроннай  ньыманан ыытыллар. Ол түмүгэр, киһи аата-суола федеральнай реестргэ тута киирэн иһэр.

0
0
Telegram Whatsapp