“Инаглинскайдааҕы” шахтаҕа биир учаастактан сууккаҕа 14 тыһыынча туонна таас чоҕу хостоотулар

Рекорд олохтоммут. Ханнык учаастакка? Сууккаҕа бачча кээмэйдээх таас чоҕу Д19 FAMUR икки комплекстарыттан биирдэстэригэр ситиһилиннэ.

8 №-дээх хостуур учаастак сууккаҕа 14 тыһыынча туонна таас чоҕу хостоон, рекорду көрдөрдө. Уопсайа Д19 пласка “Инаглинскайдааҕы” шахтаҕа ОМК FAMUR үрдүк оҥорон таһаарыылаах комплекстарынан таҥыллыбыт икки лава үлэлиир. Балаҕан ыйын бүтүүтэ шахтаҕа бу икки лаванан уонна проходчиктар комплекстарынан 25 тыһыынча туонна таас чох хостоммута.

“Икки нэдиэлэ анараа өттүгэр “Инаглинскайдааҕы” шахта былааннаах кирбиитин ылбыта. Бүгүн биһиги 8 №-дээх учаастак үрдүк таһаарыылаахтык, түмсүүлээхтик үлэлиир кэлэктиибин көмөтүнэн саҥа рекорду олохтоотубут”, — диэтэ шахта дириэктэрэ Андрей Погорелов.

СӨ Бырамыысыланнаска министиэристибэтин саайтыттан

Бэлэмнээтэ Женни Стрюкова

Хаартыска: тустаах саайтан