Бүгүн Ил Дархан Егор Борисов Василий Мигалкины үөрэх уонна наука миниистирин солбуйааччынан аныырын туһунан Ыйааҕа таҕыста. Ити туһунан туһааннаах министиэристибэ пресс-сулууспата иһитиннэрэр. edersaas.ru
Миниистири саҥа солбуйааччыны СӨ бырабыыталыстыбатын бэрэссэдээтэлин солбуйааччы Алексей Дьячковскай билиһиннэрдэ. Василий Александрович министиэристибэҕэ экэниэмикэ уонна үп-харчы боппуруостарын салайыаҕа.
Ыспыраапка:
Василий Александрович Мигалкин
1980 с. Дьокуускай куоракка төрөөбүтэ
2005 с. М.В.Ломоносов аатынан Москватааҕы суударыстыбаннай университеты бүтэрбитэ (магистратура). Үлэтин СӨ Дьарыктаах буолуу департаменыттан саҕалаабыта.
2003-2004 сс. СӨ Антимонопольнай сулууспатын федеральнай управлениетыгар 1 категориялаах исписэлиис
2004-2009 сс. Москва, Дьокуускай куораттар үп-харчы, кэммиэрсийэ уонна оҥорон таһаарыы тэрилтэлэригэр үлэлээбитэ.
2009-2012 сс. СӨ бөдөҥ нолуогу төлөөччүлэрин бэрэбиэркэлээһиҥҥэ, Арассыыйа нолуокка федеральнай сулууспатын оройуоннар икки ардыларынааҕы иниспиэктэрин нолуок төлөөһүнүн бэрэбиэркэлиир көһө сылдьар кылаабынай судаарыстыбаннай иниспиэктэрэ
2012-2015 сс. СӨ Ойуур хаһаайыстыбатын сыһыаннаһыыларыгар департаменын үпкэ-харчыга, бүддьүөт бэлиитикэтигэр уонна төлөбүрдэри дьаһайыыга управление салайааччы
2015-2017 сс. СӨ Счетнай палататын ТФОМС-н социальнай эйгэҕэ уонна бүддьүөккэ оросхуоттааһыны хонтуруоллуур салаатын салайааччы.
“Саха сирэ” хаһыат, edersaas.ru