Дьокуускайга А.Е.Кулаковскай аатынан норуоттар доҕордоһууларын дьиэтигэр «Импульс» норуоттар икки ардыларынааҕы пуорум буолла.
Тэрээһин СӨ Тас сибээскэ уонна норуоттар дьыалаларыгар, Ыччакка уонна социальнай коммуникацияларга министиэристибэлэр өйөбүллэринэн ыччат ассамблеята уонна А.Е. Кулаковскай аатынан норуоттар доҕордоһууларын дьиэтэ тэрийдилэр. Бу туһунан А.Е.Кулаковскай аатынан норуоттар дьиэлэрин пресс-сулууспата иһитиннэрдэ.
Тэрээһиҥҥэ хамаандалар төрөөбүт тылларын-өстөрүн, култуураларын, сиэрдэрин-туомнарын, үгэстэрин, таҥастарын-саптарын, ырыаларын, үҥкүүлэрин билиһиннэрдилэр. Ону сэргэ, ыччаттарга хардарыта сибээс боппуруостарыгар сэминээрдэр, кэпсэтии былаһааккалара тэрилиннилэр. Бырайыагы СӨ норуоттарын Ассамблеята уонна А.Е.Кулаковскай аатынан норуоттар доҕордоһууларын дьиэтин национальнай сыһыаннаһыылар эйгэлэригэр ресурснай үөрэтэр-методологическай киин көҕүлээтилэр, тэрийдилэр.
Быйылгы тэрээһиҥҥэ эппиэттээх СӨ ыччат ассамблеята тус көрүүлэрин киллэрэн биэрдэ. Ол курдук, пуорум ыччаты сомоҕолуурун сэргэ, айар кыахтарын арыйарга, салгыы бырайыактары көҕүлээһини тэрийэр уонна олоххо киллэрэр туһуттан хамаанданан практическай үлэлэри тэрийэргэ болҕомтотун уурар.
Пуорум кыттыылаахтарын СӨ Тас сибээскэ миниистири солбуйааччы Татьяна Николаевна Пяткина уонна А.Е.Кулаковскай аатынан норуоттар доҕордоһууларын дьиэтин салалтата эҕэрдэлээтилэр. Бырайыакка спикердэринэн Нурудин Магомедович Нурудинов, СӨ норуоттарын ыччакка ассамблеятын бэрэссэдээтэлэ — «Роль медиа в гармонизации межнациональных отношений»; Андрей Николаевич Романенко, СӨ ИДьМ экстремизмы утары охсуһар киин үлэһитэ — «Профилактика экстремизма в молодежной среде»; Лена Павловна Ефремова, «Берегиня» көмөнү оҥорор киин дириэктэрэ — «Практики социального партнерства по формированию духовно-нравственных ценностей у детей и молодежи («Берегиня» үөрүйэҕиттэн); Дмитрий Михайлович Куприянов, эксперт-аналитик, коммерческайа суох ресурснай киин менеджерэ — «Социальное проектирование. От идеи до реализации» кытыннылар. Тэрээһиҥҥэ Дьокуускай куораттааҕы национальнай гимназия, куораттааҕы классическай гимназия, С.Г.Черных аатынан 16 №-дээх орто оскуола, Табалаах орто оскуола үөрэнээччилэрэ, М.К. Аммосов аатынан ХИФУ, АГАТУ, А.Д.Макарова аатынан култуура уонна ускуустуба кэллиэһин, сибээс уонна энергетика кэллиэһин, мэдиссиинэ кэллиэһин устудьуоннара, ыччат ассамблеятын (Юные якутяне), СӨ ыччат ассамблеятын сэбиэтин, СӨ эдэр педагогтар ассоциацияларын, хотугу төрүт олохтоох аҕыйах ахсааннар норуоттар ыччакка сэбиэттэрин, Кыргыз кэнгириэһин, СӨ кэриэйдэр общиналарын уо.д.а. бэрэстэбиитэллэрэ кытыннылар.
Пуорум кыттыылаахтара сэттэ хайысханан бырайыактары оҥордулар: Патриотическое и духовно-нравственное воспитание молодежи; Международное молодежное сотрудничество в рамках народной дипломатии; Воспитание культуры межнационального общения; Укрепление межэтнических и межконфессиональных связей; Пропаганда здорового образа жизни; Сохранение культурной памяти родных языков; Профилактика проявления экстремистской и террористической деятельности в молодежной среде.
Түмүккэ СӨ Тас сибээскэ уонна норуоттар дьыалаларыгар, СӨ ыччакка уонна социальнай коммуникацияларга министиэристибэлэр ааттарыттан кыайыылаахтарга дипломнар уонна бириистэр туттарылыннылар.
Хаартыскалар: А.Е.Кулаковскай аатынан норуоттар доҕордоһууларын дьиэтин пресс-сулууспата