РФ Бырамыысыланнаска уонна эргиэҥҥэ министиэристибэтэ импорты солбуйарга анаан үлэлиир тэрилтэлэргэ нолуок чэпчэтиитин көрүүгэ этии киллэрдэ.
Ону кытта судаарыстыба өттүттэн тас дойдуттан киирэр табаардары солбуйууга үлэлиир тэрилтэлэргэ чэпчэтиилээх кирэдьиит биэриини уонна бу дьыалаҕа анаан атыылаһар бородууксуйаларын толуйарга көмө оҥоруоҕа.
Бырамыысыланнас уонна эргиэн министиэристибэтэ бу этиитэ уустук технологическай бородууксуйаны оҥорон таһаарар тэрилтэлэргэ туһаайар. Нолуок чэпчэтиитин, кыра бырыһыаннаах кирэдьиит, страховой төлөбүрдэргэ чэпчэтии, импорты солбуйар табаары оҥорооччулары сайдалларын көҕүлүүр миэрэ буолуоҕа.
Маннык тэрилтэлэри өйүүр туһунан дойдубут бэрэсидьиэнэ Владимир Путин сорудахтаабыта. ПМЭФ пуорум кэмигэр бэрэсидьэн уһун болдьохтоох кирэдьииттэринэн, нолуок чэпчэтиилэринэн харыстыах тустаахпыт диэн бэйэтин санаатын эппитэ. Ону кытта Владимир Владимирович уустук тиэхиньикэни оҥорор тэрилтэлэр саҥа саҕалааһыннарын өйүөхпүт диэн эрэннэрбитэ.
Дойду аҕа баһылыгын сорудаҕынан, Бырамыысылыннас уонна эргиэн министиэристибэтэ импорты солбуйуунан дьарыктанар тэрилтэлэр барыска нолуоктара 0% гына олохтуур туһунан этиини киллэрдэ. Үлэһиттэри страховкалааһын сэттэ сыл устата 7,6% тэҥэһиэхтээх. Ону кытта 10 сыл устата төлөнөр кирэдьииттэр баар буолуохтара.
Инновация кластерыгар киирэр тэрилтэлэри биир сыл устата араас бэрэбиэркэлиир уорганнар тыыппаттарын курдук сөбүлэһии ылыныллыахтаах.
Хаартыска https://newizv.ru/