Ильмень күөлгэ өлбүт буойуттары кэриэстээтилэр

Бөлөххө киир:

1943 сыл олунньу 23 күнүгэр Саха сирин хорсун уолаттара – Хотугулуу-Арҕааҥҥы фронт 27-с аармыйатын 19-с хайыһар биригээдэтин буойуттара Новгородскай уобаласка баар Ильмень күөлгэ кырыктаах кыргыһыыга олохторун толук уурбуттара.

Олунньу 23 күнүгэр Дьокуускайга “Ильмень үрдүнэн туруйалар” мемориал-искибиэргэ Ильмень күөлгэ өлбүт буойуттар сырдык ааттарын кэриэстээн,  тыыннаах сибэккилэри уурдулар.

Өрөспүүбүлүкэ салалтатын аатыттан Бырабыыталыстыба бэрэссэдээтэлин солбуйааччы Сергей Местников эҕэрдэлээтэ:

Сэбиэскэй норуот хорсун быһыытын биһиги умнубаппыт, өрүү махталынан ахтабыт. Олоҕу олоро илик эдэркээн уолаттар саа-саадах тутан, Ийэ дойдуларын көмүскүү барбыттара, үгүстэр кыргыһыы толоонугар охтон, олохторун толук биэрбиттэрэ. 78 сыл ааспытын да иһин, биһиги чулуу уолаттарбыт хорсун быһыыларын, дойдуларыгар бэриниилэрин өйдөөн-санаан, махтанан, үүнэр көлүөнэҕэ тиэрдэр ытык иэстээхпит, — диэн кини эттэ.

Тэрээһиҥҥэ Ил Түмэн дьокутаата Антонина Григорьева, Дьокуускай к. баһылыгын э.т. Евгений Григорьев, СӨ байыаннай комиссара Александр Авдонин, куорат уопсастыбаннаһа, ыччаттар, уо.д.а. кыттыыны ыллылар.

Ангелина Васильева, “Саха сирэ” хаһыат, edersaas.ru                     Хаартыска: Мария Васильева.

+1
0
+1
0
+1
0
+1
0
+1
0
+1
0
+1
0