Илиннээҕи экэнэмиичэскэй пуорум кэмигэр «Дальний Восток – земля приключений» диэн куонкурус саҕаланыаҕа

Илиннээҕи экэнэмиичэскэй пуорум кэмигэр «Дальний Восток – земля приключений» диэн куонкурус саҕаланыаҕа. Ол туһунан  «Комсомольская правда» араадьыйа быһа эпииригэр  РФ бэрэсидьиэнигэр Уһук Илиҥҥи федеральнай уокурукка боломуочуйалааҕа — вице-премьер Юрий Трутнев иһитиннэрдэ.

Куонкуруска кыттар инниттэн Уһук Илиҥҥи уокурукка тиийиллиэхтээх уонна тэрийээччилэргэ хайдах күүлэйдээбити көрдөрөр видеоролигы ыытыллар. Дьүүллүүр сүбэ көрөн, кыайыылаахтары быһаарар. Сайаапканы  «ПутешественникДВ.РФ.» диэн саайтка бэриллэр. Куонкурус сыл устата ыытыллар. Онон 2023 сыл балаҕан ыйыгар түмүктэнэр. Кыайыылаахтар харчынан наҕараадаланыахтара. «Гран-при киэнэ үс мөл. солк. буолуоҕа. Чиэһинэйдик этэр буоллахха, куонкуруһу саҥа толкуйдуу сылдьабыт. Ол эрээри, бүгүҥҥү күҥҥэ кыттыан баҕалаах элбэх. Онон куонкурус бары өттүнэн интэриэһинэй уонна ураты буоларыгар кыһаллыахпыт», — диэн Юрий Трутнев быһаарар.