От ыйын 27 күнүгэр күнүс 14.15 мүн. «Айгуль» гипермаркекка «Илиигитин уунуҥ!» социальнай хампаанньа ыытыллыа. Арассыыйа үгүс куоратыгар ыытыллар дьаһалы «Новартис» хампаанньа «Дорообо!» эмтэнээччилэр тэрилтэлэрин кытары көҕүлээн ыытар.
edersaas.ru
Бу хампаанньа эмиий араагын курдук уодаһыннаах ыарыыттан харыстанарга эрдэттэн көрдөрүнэр наадатын санатар соруктаах.
Биллэрин курдук, ыарыыны сэрэтэр наадаттан сыл аайы маммолог, гинеколог уонна терапевт быраастарга сылдьыллыахтаах. Маммография эмиий туругун чинчийэргэ саамай табыгастаах ньыма.
«Илиигитин уунуҥ» хампаанньа чэрчитинэн бу күн онколог, маммолог, гинеколог курдук исписэлиистэр сүбэ-ама биэриэхтэрэ, ким баҕалаах ис көҥдөйүн, түөһү, таас уҥуоҕун чинчиттэрэр, маммографияҕа уһуллар кыахтаныа.
Исписэлиистэргэ толору чинчийиини барбыттар анал купуон ылыахтара. Купуоннаахтар бу эрэ күн «Айгультан» атыылаһалларыгар 10 бырыһыаннаах чэпчэтиинэн туһаныахтара.
ЫСПЫРААПКА:
Доруобуйа харыстабылын бүтүн аан дойдутааҕы тэрилтэтин чахчытынан, эмиий араагынан сыл аайы мөлүйүөн аҥаара ахсааннаах дьахтар ыалдьар.
Надежда ЕГОРОВА, «Саха сирэ» хаһыат, edersaas.ru