Ил Дархан Айсен Николаев Дьокуускай баһылыгын кытта көрүстэ

Бөлөххө киир:

Бүгүн, кулун тутар 31 күнүгэр, Ил Дархан Айсен Николаев Дьокуускай саҥа талыллыбыт баһылыгын Евгений Григорьевы кытта көрүстэ.

Ил Дархан уонна киин куорат баһылыга Дьокуускай инники сайдыытын туһунан кэпсэттилэр. Национальнай бырайыактар тэрээһиннэрэ сүрүн болҕомтону ылалларын, ол курдук суол тутуута, социальнай эбийиэктэри тутуу, хаарбах дьиэттэн дьону көһөрүү, 2022-2032 сылларга социальнай-экэнэмиичэскэй өттүнэн куораты сайыннарыы туһунан кэпсэттилэр.

Ил Дархан Бырабыыталыстыба уонна Дьокуускай куорат дьаһалтата бииргэ үлэлэһэн куорат олохтоохторун олорор таһымнара үрдүүрүгэр, саҥа талыллыбыт баһылыкка тулуурдаахтык, ситиһиилээхтик, дьон-норуот туһугар кыһаллан үлэлииригэр баҕа санаатын эттэ.

Ульяна Захарова.

Андрей Сорокин хаартыскаҕа түһэриитэ, СИА.

+1
0
+1
0
+1
0
+1
0
+1
0
+1
0
+1
0