Бүлүү улууһун Илбэҥэ нэһилиэгэ “Бүлүү” федеральнай суол таһыгар сытар. Хомойуох иһин, манна суол-иис быһылаана элбэхтик тахсара бэлиэтэнэр. Ол иһин суолга тахсыбыт саахалга медицинскэй көмөнү түргэнник оҥорор туһугар эбии тырааныспарга уонна медицинскэй үлэһиттэргэ наадыйаллар.
edersaas.ru
СИА корреспондена Санаайа Иванова иһитиннэрбитинэн, суһал көмөнү оҥорор анал массыынаҕа наадыйалларын Илбэҥэ олохтоохторо СӨ бырабыыталыстыбатын отчуотун кэмигэр туруорустулар. СӨ Доруобуйа харыстабылын министиэристибэтин бэрэстэбиитэлэ Вера Тарасова манна 2019 сылга суол таһыгар анал пуун аһылларын туһунан иһитиннэрдэ. Пуун суһал ыҥырыыларга барар медицинскэй үлэһиттээх уонна анал массыыналаах буолуоҕа. Бу пуун нэһилиэнньэ доруобуйатын эмиэ көрүөн-истиэн сөп.
Манна даҕатан эттэххэ, күөх төлөҥҥө холбоммокко олорор Илбэҥэ учаастактааҕы балыыһатын дьиэтэ эргэрэн, атын дьиэҕэ көһөн үлэлиир. Чугастааҕы атын балыыһа ыаллыы сытар Лөкөчөөҥҥө баар.
Надежда ЕГОРОВА, “Саха сирэ”, edersaas.ru
+1
+1
+1
+1
+1
+1
+1