Ил Дархан Егор Борисов бүгүн Москваҕа Уһук Илин уонна Байкал эрэгийиэннэрин социальнай-экономическэй сайдыыларын боппуруостарыгар тэриллибит РФ бырабыыталыстыбатын анал хамыыһыйатын мунньаҕар кыттыаҕа. Тэрээһини премьер-миниистир Дмитрий Медведев иилээн-саҕалаан ыытыаҕа.
edersaas.ru
Мунньахха Саха Өрөспүүбүлүкэтин Ил Дархана аэропортары саҥардыыга уонна авиация сайдыытыгар дакылаат оҥоруоҕа. Манна кини аҥаардас өрөспүүбүлүкэ эрэ кыһалҕатын буолбакка, бүтүн Уһук Илин эрэгийиэннэрин хабан боппуруоһу сиһилии ырытыаҕа. Ол курдук, аэродромнары саҥардыы, олохтоох авиациялар пааркаларын хаҥатыы, салгын тырааныспарынан туһанааччыларга көрүллэр субсидия курдук сытыы боппуруостары таарыйыаҕа.
Аграфена КУЗЬМИНА, “Саха сирэ” хаһыат, edersaas.ru
+1
+1
+1
+1
+1
+1
+1