Алтыс ыҥырыылаах Ил Түмэн бастакы пленарнай мунньаҕын бүгүҥҥү үлэтин түмүктүүр дьаһалынан «Саха Өрөспүүбүлүкэтин алтыс ыҥырыылаах Судаарыстыбаннай Мунньаҕын (Ил Түмэн) сис кэмитиэттэрин, хамыыһыйаларын тэрийии туһунан» Балаһыанньаны бигэргэтии буолла. Бу Балаһыанньа быһыытынан, 14 сис кэмитиэт уонна биир хамыыһыйа үлэлиэхтэрэ.
edersaas.ru.
Икки саҥа кэмитиэт тэрилиннэ. Ол курдук, Экономика, инвестиция уонна промышленность бэлиитикэтигэр, предпринимательствоны, туризмы итиэннэ инфраструктураны сайыннарыы боппуруостарын сис кэмитиэтин оннугар икки сис кэмитиэт (биир — Экономика, инвестиция уонна промышленность бэлиитикэтигэр, иккис — Предпринимательствоны, туризмы итиэннэ инфраструктураны сайыннарыыга) баар буолла. Дьиэ кэргэн, оҕо аймах, ыччат, физическэй култуура уонна спорт дьыалаларыгар сис кэмитиэт эмиэ икки кэмитиэккэ араҕыста: Дьиэ кэргэн уонна оҕо аймах дьыалаларыгар уонна Ыччат, физическэй култуура уонна спорт дьыалаларыгар.
Дьокутааттар салгыы «Саха Өрөспүүбүлүкэтин алтыс ыҥырыылаах Судаарыстыбаннай Мунньаҕын (Ил Түмэн) сис кэмитиэттэрин, хамыыһыйаларын бэрэссэдээтэллэрин талыы туһунан» Уурааҕы ылыннылар итиэннэ сис кэмитиэттэр, хамыыһыйалар бэрэссэдээтэллэрин таллылар.
Алтыс ыҥырыылаах Ил Түмэн сис кэмитиэттэрин, хамыыһыйаларын бэрэссэдээтэллэрэ:
1. Судаарыстыбаннай тутул уонна сокуону оҥоруу сис кэмитиэтигэр – Алексей Еремеев;
2. Олохтоох салайыныы боппуруостарын сис кэмитиэтигэр – Василий Местников;
3. Бүддьүөт, үп-харчы, нолуок уонна сыана бэлиитикэтин, бас билии итиэннэ приватизация боппуруостарын сис кэмитиэтигэр – Юрий Николаев;
4. Тутуу уонна ОДьКХ сис кэмитиэтигэр – Яков Ефимов;
5. Экономика, инвестиция уонна промышленность бэлиитикэтин сис кэмитиэтигэр – Павел Петров;
6. Предпринимательство, туризм итиэннэ инфраструктураны сайыннарыы сис кэмитиэтигэр – Игорь Григорьев;
7. Доруобуйа харыстабылын, социальнай көмүскэл, үлэ уонна дьарыктаах буолуу сис кэмитиэтигэр – Владимир Чичигинаров;
8. Тыа сирин уонна аграрнай бэлиитикэ сис кэмитиэтигэр – Андрей Находкин;
9. Сиргэ сыһыаннаһыы, айылҕа ресурсаларын уонна экология сис кэмитиэтигэр – Владимир Прокопьев;
10. Наука, үөрэҕирии, култуура, маассабай иһитиннэрэр сириэстибэлэр уонна уопсастыбаннай тэрилтэлэр дьыалаларын сис кэмитиэтигэр – Феодосия Габышева;
11. Дьиэ кэргэн уонна оҕо аймах дьыалаларын сис кэмитиэтигэр – Алена Атласова;
12. Ыччат, физическэй култуура уонна спорт дьыалаларын сис кэмитиэтигэр – Михаил Гуляев;
13. Аҕыйах ахсааннаах Хотугу төрүт олохтоох омуктар боппуруостарын уонна Арктика дьыалаларын сис кэмитиэтигэр – Елена Голомарева;
14. Хонтуруоллуур кэмитиэккэ – Евгений Перфильев;
14. Мандаат уонна регламент хамыыһыйатыгар — Андрей Николаев.
Ил Түмэн бастакы пленарнай мунньаҕа сарсын үлэтин салгыыр.
Раиса Сибирякова, edersaas.ru.