Бүгүн Ил Түмэн XXXIII уочараттаах пленарнай мунньаҕар саҥа депутат Игорь Закирко дастабырыанньатын тутта. Кини “Биир ньыгыл Россия” партия өрөспүүбүлүкэтээҕи испииһэгинэн ананан, Василий Потаповы солбуйда.
Игорь Викторович 1963 с. балаҕан ыйын 22 күнүгэр Краснодар куоракка төрөөбүтэ. Саха сиригэр 1970 с. олорор. 1988 с. Томскайдааҕы инженернай-строительнай институкка үөрэнэн, инженер-механик идэтин ылбыта.
Үлэтин “Якуталмаз” тэрилтэттэн саҕалаабыта. 1991 с. “Алмазавтоматика” трестка көһөн үлэлээбитэ. 1993-1997 сс. Научнай-чинчийэр геополитическай тэрилтэҕэ дириэктэр көмөлөһөөччүтүнэн анаммыта. 2001 с. Мирнэй куорат аэропордугар сулууспа начальнигынан үлэлээбитэ.
2011 с. Ленскэйдээҕи өрүс пордун салайааччынан үлэлиир. Игорь Викторович СӨ уутун тырааныспарын бочуоттаах үлэһитэ буолар.
Аграфена Кузьмина, “Саха сирэ” хаһыат, edersaas.ru.
+1
+1
+1
+1
+1
+1
+1