Ил Түмэн пленарнай мунньаҕар Дмитрий Бердников кандидатуратын билиһиннэрдилэр

Бөлөххө киир:

Бүгүн, муус устар 7 күнүгэр, Ил Түмэн Судаарыстыбаннай Мунньаҕын ХХVI пленарнай мунньаҕар СӨ бырабыыталстыбатын бэрэссэдээтэлин бастакы солбуйааччытын дуоһунаһыгар Дмитрий Бердниковы аныыгрСӨ Ил Дархана Айсен Николаев сөбүлэҥин ылыы туһунан боппуруос көрүлүннэ.

Дмитрий Бердников кандидатуратын СӨ Ил Дарханын  уонна СӨ бырабыыталыстыбатын дьаһалтатын  салайааччыта Афанасий Владимиров билиһиннэрдэ.

Бердников Дмитрий Викторович от ыйын 24 күнүгэр 1966 сыллаахха Иркутскай уобаласка Ангарскай куоракка төрөөбүт.

1988 сыллаахха Иркутскайдааҕы политехническай институт «Теплогазоснабжение и вентиляция» үөрэҕи  бүтэрбит. «Инженер-строитель» идэтин баһылаабыт.

2001 сыллаахха Иркутскайдааҕы судаарыстыбаннай университет  «юриспруденция» салаатын бүтэрбит.

Уопсай үлэтин ыстааһа 33 сыл.

Үөрэҕин бүтэрэн баран, «Востоксантехмонтаж» диэн судаарыстыбаннай треска үлэлии киирэр. Онно маастартан саҕалаан, дириэктэргэ тиийэ үүммүт. 1993-2014 сылларга коммерческай үлэнэн дьарыктанар.

2014 сыллаахха Иркутскай куорат Думатын бэрэссэдээтэлинэн талыллар.

2015 сыл кулун тутарыгар Иркутскай баһылыгынан талыллар. Кини үлэлиир кэмигэр Иркутскай куоракка федеральнай бырайыактар нөҥүө хаһааҥҥытааҕар да элбэх эбийиэк тутуллар, үлэҕэ киирэр: 23 уһуйаан, 6 саҥа аныгы тутуулаах оскуола, 5 баараҕай успуорт уонна чэбдигирдии комплекстара, үс оскуола уонна биэс уһуйаан өрөмүөннэммит. Кини куораты салайар кэмигэр Иркутск барыһа 8 миллиард солкуобайынан улааппыта.

2020 сыл кулун тутар ыйыгар Дмитрий Бердников Иркутскай уобалас губернаторын эбээһинэһин толорооччутунан анаммыта.

2020 сыл сэтинньититтэн СӨ бырабыыталыстыбатын бэрэссэдээтэлин бастакы солбуйааччытын э.т. анаммыта.

 

СӨ Ил Дарханын уонна бырабыыталыстыбатын пресс-сулууспата.

Василий Кононов хаартыскалара.

+1
0
+1
0
+1
0
+1
0
+1
0
+1
0
+1
0