Саха сирин Киин быбардыыр хамыыһыйатыгар «Биир ньыгыл Арассыыйа» баартыйа Ил Түмэн народнай дьокутаатын кураанах миэстэтигэр Татьяна Дмитриевна Егорова кандидатурата ааттанна.
4 №-дээх эригийиэннээҕи киин бөлөххө СӨ народнай дьокутаатыгар регистрацияламмыт Татьяна Егорова кандидатуратын «Биир ньыгыл Арассыыйа» баартыйа Президиума өйөөтө. Бу туһунан СИА-ҕа баартыйа пресс-сулууспата иһитиннэрдэ.
«Праймериз – уопсастыба интэриэһигэр үлэлиэн баҕалаах дьону үөһээ таһаарар көрүҥ. Барыллаан куоластааһыҥҥа баартыйата да суох дьон кыттыахтарын сөп. Холобура, мин бүгүҥҥү күҥҥэ «Биир ньыгыл Арассыыйа» баартыйаны өйөөччү быһыытынан сылдьабын», — диэн санаатын үллэһиннэ Татьяна Егорова.
Эригийиэннээҕи киин бөлөхтөн парламент алтыс ыҥырыылаах Ил Түмэн Сударыстыбаннай Мунньаҕар народнай дьокутаатынан талыллан үлэлээбит бокуонньук Владимир Михайлович Членов оннугар 2021 сыл кулун тутар 1 күнүгэр Татьяна Егорова кандидатуратын «Биир ньыгыл Арассыыйа» баартыйа Генеральнай сэбиэтин Президиума өйөөбүтүн биллэрдэ.
Елена ПОТОЦКАЯ, «Саха сирэ» хаһыат, edersaas.ru
Хаартыска — СИА.