Бүгүн Ил Түмэн дьиэтигэр «3-с нүөмэрдээх өрөспүүбүлүкэтээҕи килиниическэй балыыһа» ГБУ миэдиктэрэ коронавирус утары быһыыны биэрдилэр. «Гам-КОВИД-Вак» уонна «ЭпиВакКорона» быһыыны Ил Түмэн дьокутааттара, бырабыыталыстыба чилиэннэрэ ыллылар.Бу туһунан парламент пресс-сулууспата иһитиннэрдэ.
Дьаҥ утары быһыыны ылбыт вице-спикер Виктор Губарев мэдиссиинэ үлэһиттэригэр махтанна. «Арассыыйа мэдиссиинэтэ хайаан даҕаны бу дьаҥы кыайыаҕа. Кылаабынайа, миэдиктэр сүбэлэрин истиэхпитин, толоруохпутун наада», — диэн Виктор Николаевич бэлиэтээн эттэ.
«3-с нүөмэрдээх өрөспүүбүлүкэтээҕи килиниическэй балыыһа» ГБУ терапевт-бырааһа Марианна Никитина иһитиннэрбитинэн, COVID-19 утары быһыы икки түһүмэхтэн турар. Иккис доза үс нэдиэлэ кэнниттэн бэриллэр.
edersaas.ru
Хаартыска Ил Түмэн.